Indian carrier IndiGo chuan Airbus A320 thlawhna 500 zet lei turin inremna a ziak a, hei hi tum khata sumdawng thlawhna lei tam ber a ni.
Airline leh thlawhna siamtu hian Paris Airshow tan niah an puang a, a man hi $ tluklehdingawn 55 zet tur a ni.
Tuna an hauh lawk nen hian IndiGo hian Airbus thlawhna 1,330 zet an hauh lawk mek tihna a ni.
Heng thlawhnate hi kum 2030 leh 2035 inkar vela an kuta thleng hman tura ruahman a ni.
Company chuan thlawhna an lei thar turte nen hian chuan man tlawm, IndiGo hian an chuan man an tihniam lehzual thei ang a, tuialhthei an hman pawh an tichangkang zawk thei dawn niin an sawi.
India hi aviation market-ah a thang nasa hle a, mi thiamte chuan tun ang zela a kal chuan nakin lawkah China a khum dawn niin an sawi.
G20 ram zingah kum rei vak lo kal leh turah hian economy thang nasa ber a ni dawn tih an sawi lawk a, hripui a len hnuah a vawi khat nana thlawhnaa zin an pung nasa em em bawk tih an sawi.
Thlawhna tumhmun lamah pawh India hian tan a la nasa hle a. A mi cheng tluklehdingawn 1.4 zinga 5% pawh tling lo chauh hi thlawhnaa la chuang an ni a, ram eibar dinhmun a that zel chuan thlawhnaa chuang tur hi an la pung nasa thei hle dawn niin mi thiamte chuan an ngai a ni.
February khan IndiGo nena inel reng, Air India chuan an thlawhna hluitethlak nan Airbus leh Boeing hnenah thlawhna thar 470 zet lei turin inremna an siampui.
Heti taka airline-ten hma thar laa thlawhna an hauh hian hripui a len hnuah airline industry hi a pangngaiin a kal leh thuai dawn tih rinna lian tak a awm nghal a. Chuan man tlawh airline-in heti zat thlawhna a chah hian khawvela airline thang chak ber nih a tum hle tih a lantir bawk niin an ngai.
Tun hnaiah Ryanair leh Saudi start-up Riyadh Air chuan a hlawm lianin thlawhna an lo chah ve tawh bawk a; mahse, airline-ten thlawhna thar neih duha an chah hi hripui leng avang bawkin hmanraw inlam khawm zung zung a harsa a, a siamtu lam tan chet zung zung a harsa ve tho.
Hetih rual hian tuna IndiGo-in tam tham tak a chah lawk ang hi Paris Airshow neih mekah hian a dang pawh a awm rinna a awm mek tho.
Covid a len chhung khan thlawhna zawng zawng an chawl thup a, tunah hian khang huna an hloh kha hmuh let tumin airline-te an tang hle a. Thlawhna an neih sate duhkhawp lovin an a tharin an thlak a, thenkhat chuan a hmaa an thlawhna ngai lo hmunte an thlawh thartir bawk.