Aizawl : Deputy Chief Minister Tawnluia’n Dinthar Veng, Aizawla Smart Parking sakna tur lungphum nimin khan a phum.
Dy. CM chuan Ai- zawl Smart City project hnuaia hmalakna pawimawh tak pakhat ‘Construction of on road smart parking’ sakna tur bultan tura lungphum phum a ni ta chu a lawmawm a tih thu a sawi a. Bialtu MLA, khawtlang hruaitu Local Council leh YMA te thahnemngaihna te, khawtlang mipuite leh sorkar tanrualna avangin he hmalakna hi bultan a ni dawn ta niin a sawi.
Aizawl khawpuiin a mamawh em em parking tha tak, Mizoram Secretariat bulhnaiah leh Ebenezer Hospital bul maiah dah a ni tur chu tangkai taka hman theih hun tur, he project puitlin hun tur a nghahhlelhawm thu Tawnluia chuan a sawi a. Kawr kamah, Tuikual luiin a tan tlangna hmunah sak a nih dawn avangin a ruangam pawh uluk taka duan a nih thu sawiin, a satu te paw- hin uluk leh fimkhur taka, thahnemngai taka an thawh a ngai dawn tih a sawi.
Deputy Chief Minister chuan he parking hmunah hian riahna hmun tha tak, khualbuk anga hman theih tur pawh dah a ni da- wn tih sawiin, Eben- ezer Damdawi ina damlo enkawltu ten an hman tangkai a beisei thu a sawi a. Thalai infiammi te tan futsal ground pawh dah a ni dawn tih a sawi bawk.
Bialtu MLA, Minister ni bawk Lalruatkima pawhin a bial chhunga khawtlangin nghakhlel taka an lo thlir tihpuitlina a awm chho mek chu lawmawm a tih thu a sawi a. Dinthar khawtlangin he project a puitlin theih nan Thlanmual ram zau tak an satthlaa, sorkar ram MINECO huamchhungah GAD in ram zau tak a pe bawk tih sawiin, lawmawm a tih thu a sawi.
He project hi a hun takah tha taka thawh zawh a nih a, veng mipui leh a mamawhtu apiang ten tangkai taka an hman a beisei thu Lalruatkima chuan a sawi a. Dinthar Veng chu veng inpumkhat leh tangrual, veng hm- asawn leh entawntlak nia a hriat thu sawiin, sorkarin hma a lakna te, hmachhawp te sawiin, sorkar thlawp tlat zel turin mipuite chu a sawm bawk a ni.
Smart Parking atan hian Rs. vbc 13.38 ruahman a ni a. June 30, 2024 a zawh hman tura ruahman a ni. A chung bera Futsal ground awm tur erawh chu Dinthar YMA in a si- am tur leh a senso za- wng zawng pawh an tum tur a tih thu sorkar thuchhuah chuan a tarlang.