Aizawl : Nimin khan Remna Ni (June ni 30) lo thleng tur denchhenin district hrang hrangah -Political History of Mizoram: 1947 (post independence) to 1987 (statehood i.e 20th February 1987)- tih thupui hmangin Higher Secondary School zirlaite pual Essay inziahsiak buatsaih a ni.
District level essay competition-ah hian district hrang hrangah Higher secondary school 79 atangin zirlai 274 an tel a. District khawpui tinah DPC, Samagra Shiksha te kaihhruaiin inelna hi buatsaih a ni a, district tina a ti tha te chu state level-a inel leh tura ruahman a ni.
Remna ni denchhen vek hian vawiinah district tinah Quiz pawh buatsaih leh a ni dawn a, tun thla ni 27-ah state level-a inelna buatsaih leh a ni ang a, a ti tha te hnenah Remna Ni (June ni 30)-ah lawmman sem a ni ang.