AZL: Chief Minister Zoramthanga’n, “Manipur buainaa awm Zofate tan leh Mizoram chhunga sahimna zawnga rawn lutte tan buhfai 2,388.50 qtl pek a ni tawh,” a ti.
CM chuan Manipur mi leh sate tanpuina tur an pek thu hi Instagram kaltlanga tar langin, “Manipur mi leh sate awmna tur leh an mamawh dangte pek an ni,” a ti a. Tun dinhmunah Manipur buaina avanga sahimna zawnga Mizoram beltute hi mi 11,785 an tling tawh tih sawiin Manipur, Myanmar leh Bangladesh atanga sahimna zawnga Mizorama beltu sorkarin a tuamhlawm leh enkawl mekte chu an vaiin mi 50,000 chuang an awm mek tih a sawi bawk.
Zoramthanga chuan an tih theih tam lo mah se sahimna zawnga Mizoram beltute tuamhlawm leh an neih ang lo pek chu an duh dan a ni a ti.