Ultimate Fighting Championship chuan bantamweight huang a ‘fight’ pawimawh tak ni thei tur a siam dawn a. UFC 292-ah champion hlui Henry Cejudo leh Marlon Vera te intum turin a ti fel.
UFC president Dana White chuan August thla a neih tur UFC 292-ah hian Cejudo leh Vera te intum tur hi a thleng dawn tih a sawichiang tawh a. Contract la ziak lo mahse an inbe rem vek tawh.
Boston a TD Garden a inelna neih turah hian bantamweight champion Aljamain Sterling leh Sean O’Malley te an intum dawn.
16-3 MMA record nei Cejudo hian kum thum MMA a chawlhsan hnuah May khan lo kir lehin 135 pound champion Sterling hi a hmachhawn a. Nimahsela split decision in a tlawm zawkah a tang.
Cejudo hian title a chuh leh thuai theih nan bantamweight a no.1 rank fighter ni lai Merab Dvalishvili chu hmachhawn duh mahse nghak duh lovin Vera hmachhawn phawt a thlang ta zawk.
22-8-1 record nei Ecuadorian fighter Vera hi UFC a fighter hmuhnawm ber zing ami a ni a. March khan Cory Sandhagen nen round nga chhung inhmachhawnin split decision in bout hmuhnawm takah a tlawm
Hemi hma hian vawi li a zawna chak a ni a. Bantamweight rankings-ah no.6 niin Cejudo a hneh chuan title chuhnaah a langsar sawt ang.