Bollywood star Askhay Kumar ‘puja’ a fuh lo tluang zel a, nikum atang tawh khan a film siam te chu a flop chho char char.
Beiseiawm tak ‘Bachchan Pandey’ leh ‘Selfiee’ te chu eng ruai an ang lova, box office-a chechhe tluang tak hian zawhna harsa leh khirhkhan tak tak a hmachhawn mek.
“Heti anga film chetchhiatna hian min tibuai lo, ti ila dawt ka sawi ang. Box office number vang hian kan langsar a, kan tlahniam mai a ni. Chu takak chu hit leh flop an tih pawh hi a ni e.
“Mipuiin kan tihdik loh leh tih thatte min hrilh mai a, chu taka chu box office-ah hmuhin a awm thin. Film a chetchhiat chuan entu mipui an lo kalkhawm lo tihna a ni mai a, chumi awmzia chu film khan an thinlung leh rilru a luah zo lo, tihna a ni leh mai. Chu taka chu kan hriatchian a, ‘change’ thlen a ngai ang,” tiin Askhay Kumar hian a sawi.