Aizawl : Nimin khan 9th International Day of Yoga, 2023 chu Central Bureau of Communication, Ministry of Information & Broadcasting Field Office, Aizawl buatsaihin Bawngkawn Shiv Mandir ah hman a ni.
He hun hmannaah hian KR Ghimore, Senior Ex-Teacher of Gorkha Communication chu Chief Guest niin, Mohan Sahi, Ex-Indian Army & Yoga Instructor, Haridwar Patanjali Yoga Pithi Demonatrator chuan Yoga zirpuina a nei bawk.
He huna khuallian chuan Mizoten an nihna ang takin yoga an hrechiang lo nia a hriat thu sawiin, Hindu sakhua nen inkungkaihna a neih loh thu a sawi a. Yoga chu rilru leh taksa hriselna atana tha ber a nih avangin mi zawng zawngte uar turin a sawm bawk a ni.
Nimina hun hmannaah hian yoga practice-na neih a nih hnuin, Pi Mankhawlkim chuan lawmthu sawinna neiin, hun hman an titawp a ni.