‘Film pakhat vang maia buai luai a tul em ni’ i ti mai thei. Amber Heard-i’n a pasal hlui Johnny Depp nena court thubuai an neih hnu-a lemchan khawvel a dailuh hmasak berna tur film chungchangah lehlam lehlam fan te an inngur nasa in, boruak a rit.
A film thar, ‘In The Fire’ hi Taorimina Film Festival-a chhuah atan thlanchhuah a ni mauh mai a, Academy Award ang tluka ngaihsan Italian film festival-a thuneitute’n tihchhuah atan an thlang ta hi Depp-a fan te lam an lungawi thei lo a ni.
‘In The Fire’ hi supernatural thriller film niin, 1899 kum behchhana siam a ni a, pui miah miah hle tura ngaih a nih mai bakah Depp nena nasa mangkhenga court thubuai an chai vak hnu-ah mipui hmuha a inlan hmasak berna tur ni bawk hian lemchan khawvel a nghawr viau dawn tih a chiang reng mai.
Depp-a fan te chuan dawt sawi hrat leh mi tihbuai hrat bawk awmna film vawrhchhuah tumna hi thil dik lo tak nia sawiin, thuneitute an dem nasa hle. Amber-i fan te ve thung chuan a thlavang nasa taka hauhin, mipa kutthlak ching laka lungrual taka chechhuak zawk turin Hollywood an ngen ve thung.