The Esports Foundation (EF) chuan League of Legends chanchina hmingthang leh chawimawina dawng hnem ber Lee ‘Faker’ Sang-hyeok chu kum 2028 thleng Esports World Cup (EWC) leh Esports Nations Cup (ENC) Game Ambassador atan an ruat.
Faker-a gaming chanchin hian inelna satliah chu a khum nasa hle a, Republic of Korea-ah phei chuan ram mipui ngaihsan rawn a ni thei hial a. Hei hian chhuan tharte tan esports infiammite tana entawntlak leh nunphung chawilartu a nih zia a tarlang.
Esports Foundation Ambassador Program-ah Faker hian Cristiano Ronaldo leh Magnus Carlsen te a zawm ve ta a. Anni pathum hian khawvel pum huapa inelna lo darh zau zel chu an entir a, infiamna pangngai chhuah chakna te, gaming inelna lo thang chho leh esports lo din chhuaktu infiammite ngei an nihzia a phawk chhuak a ni.
Ambassador thar Faker hian Foundation-in ram hrang hrang huapa thil tih an neihnaah te, infiammite tana hma laknaah te, media lamah te leh hruaitute inrawnkhawmnaah te esports kheltute aiawhin thurawn a pe thin dawn a, hei hian a kheltute, a tantute leh pawl hrang hrangte inzawmna a tinghet lehzual ang.
“Esports chungchang sawi dawn chuan Faker hming hi hmaih theih a ni lo. Gaming khawvela infiammi ropui ber a ni a, a thiam chungchuan na, nun a thunun dan thiam zia leh a vanglai a rei ziate hian mi a chawk phur a ni,” tiin Ralf Reichert, CEO of the Esports Foundation chuan a sawi.
“Kan game ambassador a nih angin Faker hian ambassador program pawimawhna tak a entir a ni. Esports hian khawvel pum huap infiammi entawntlak ama pualin a siam chhuak a. EWC, ENC leh NGSC-ah te hian he infiamna lo din chhuaktu infiammite hian a hma lam hun chher danglamnaah aw an neih ve theih nan a pui dawn a ni,” a ti bawk.
“Inelna hian ka nun a chher danglam a, Esports Foundation zawma Game Ambassador ka ni thei hi ka lawm hle a ni. Khawvel pumah esports lo than chhohpuitu a kheltute leh a tantute aiawh pahin T1 nen chawimawina lian ber berte chuh chhunzawm zel ka la duh a ni,” tiin Faker chuan a sawi.