Aizawl : Sazaikawn, Lunglei-a District Museum building sak mek chu nim- in khan Art & Culture Director Carol VLMS Daw- ngkimi’n a tlawh a. He building sakna atan hian sorkar laipuia culture ministry sum Rs. nuai 827 leh Mizoram sorkar sum Rs. nuai 91.91 ruahman a ni.
Sorkar thuchhuahin a tarlan danin, he building sak hna hi Okahito Consultancy Services, Khatla, Aizawl-in thawkin, Rs. nuai 620.41 hman ral a ni tawh a, installment hnuhnungber an nghak leh mek.
Art & Culture Director chuan Lunglei dist-a mi- mal, chhungkua, pawl, kohhran-te leh sorkar office te pawh Lunglei dist history-a pawimawh thil hlu kawl an neih chuan Lunglei dist Museum-a dah turin a ng- en a. Museum-a dah tur thawhtu hming chu tarlan a nih tur thu a sawi.
Ram leh hnam tana thil hlu tak, mahni in lama kawl te tan Lunglei Dist Museum-a dah tura donate theih reng a nih thu a sawi bawk a ni.