PC party President hlui, tuna PC party Emeritus President Lalhmangaiha Sailo-in “BJP kaihhruai India sorkarin Hindu kalphunga India ram pum kalpui a tumna avanga Uniform Civil Code (UCC) siam tuma hma a lakna nasa zawka do a tul” a ti.
PC party hruaitu ten an party hmalakna hrang hrang nimina an sawihonaah he thu hi Lalhmangaiha Sailo chuan a sawi a. Mizoram leh hnam leh sa- khaw humhim tura PC party-in UCC a dodal- na leh India ram hmun hrang hranga hemi dodalna chungchang te an thlirhova. Lalhmangaiha Sailo chuan hemi kawngah hian Mizoramah nasa zawka hmalak tul a tih thu sawiin, hmalak dan tur an duang bawk.
PC President Vanlalruata pawhin Mizorama anti-BJP alliance siam a tul thu sawiin, hemi atana hmalakna kallaite a sawifiah a, hmalak zui dan tur an duang bawk. UCC bakah Manipura thil thlengin BJP leh an tanrualpuite paihthlak a tul zia a lantir thu te, hemi atana Mizo mipui tanrual tul thu te an sawiho a ni.