Manchester United leh Chelsea te chu tunkarah Mason Mount chungchanga an indawrna a hlawhtlin theih ngeina turin inbiakna an nei dawn.
Kar hmasa khan United hian Chelsea hnenah hian a vawi thumna atan lei dilna an siam a, hei hi Blues lamin an lo pawmsak lo.
Blues hian Pound maktaduai 55 a United in an dilna chu Pound maktaduai 58 leh Pound maktaduai 7 inpekbelh theihna nise tiin an dawr let ve thung.
United hian kum khat chauh contract nei tawh a nih avangin an beisei chu a tam lutuk niin an ngai.
Chelsea hian anmahni chhulchhuak player chu han hralh mai an hreh a, manager thar Mauricio Pochettino hnuaia insiamthat tum an nihlaiin an fimkhur zual.
Hetihlai hian an squad tawt lutuk tih thawl an tum a. Mount hian kum khat chauh contract a nei tawh a, season liamtaah khelhna hmun a beisei anga a chan tam loh avangin contract thar ziah a tum lo nen Blues lamin a man an duh ang an hmuh chuan chhuahtir an hreh lo.