Saudi Arabian club Al-Nassr chuan Croatia midfielder Marcelo Brozovic chu Inter Milan atangin Euro maktaduai 18 in an lalut.
Kum 30 mi Brozovic hi La Liga champion Barcelona pawhin an ngaihven a, nimahsela Catalan club hian Al-Nassr in sum an thehchhuah ngam ang an tlin ve lo.
Brozovic hian kum 2015 khan Dinamo Zagreb atangin Inter Milan hi a zawm a, a tirah loan in a zawm phawt hnuah Nerazzurri in an lei nghet. An hnenah kum riat a hman chhungin khawvela defensive midfielder tha ber pawlah a invawrh a, June thla a UEFA Champions League a Manchester City nen an inkhelh pawhin bul tantu zingah a tel.
Inter tan hian vawi 330 inkhelin goal 31 a khung a, Serie A title vawikhat a lakpui bakah Coppa Italia-ah vawi hnih an champion bawk.
Croatia tan midfielder pawimawh a ni bawk a, vawi 87 inkhel tawhin kum 2018 World Cup leh 2022 World Cup a final leh pathumna an nih tumin a tangkai hle.