Argentina forward Angel di Maria chuan European football a bul a tanna club Benfica a zawm.
Kum 35 mi Di Maria hian kum 2007 atanga 2010 chhung khan Portuguese club tan hian a khel a. An tan match 121 khel hmanin goal 15 a khung bakah midang goal khung tur vawi 28 a siamsak.
Season liamta khan kum sarih a khelh tawhna Paris Saint-Germain chhuahsanin Juventus a pan a. An tan match 40 khelin goal 8 leh assist vawi 7 a nei.
Di Maria hian Portuguese league leh cup a lakna club-ah hian kum khat contract a ziak a. Ram tana a khelhpui Nicolas Otamendi nen an khel dun dawn tihna a ni.
Benfica lamin, “I inah kan lo lawm lut a che.” tiin an player hlui an lak kir thu an puang.