China chu Formula 1 calendar tihchhuah tharah telh a ni a. Kum 2024 intlansiakah Covid hripui len hnuah a vawikhatna atan telh a ni dawn.
Season tharah hian intlansiak 24 awm tura ruahman a ni a, hei hi season khat a intlansiak a tam ber tum a ni ang.
Nakkumah hian intlansiak thenkhat kalphung her danglam a ni dawn a. Bahrain leh Saudi Arabia a intlansiakte chu Ramadan thla a nih avangin Inrinni ah tlan a ni ang.
Japan a intlansiak tur pawh a awlsam zawk nan kum chanve hnu lama tlan thin chu April 7 ah sawn a ni bawk.
Hetihlai hian Azerbaijan Grand Prix leh Singapore Grand Prix te September ah a zawna tlan a ni ang. Hengte team team leh F1 mi leh sate tan kal kualna a awlsam zawkna tur atana tih a ni.
Kuminah pawh intlansiak 24 awm tura tih nimahsela Chinese Grand Prix hi a neih theih dawn lova, Emilia-Romagna Grand Prix pawh Imola ah ruahsur nasa avanga buaina a thlen nasat avangin thulh a ni.
2024 F1 calendar
29 February – 2 March – Bahrain
7-9 March – Saudi Arabia
22-24 March – Australia
5-7 April – Japan
19-21 April – China
3-5 May – Miami
17-19 May – Emilia-Romagna
24-26 May – Monaco
7-9 June – Canada
21-23 June – Spain
28-30 June – Austria
5-7 July – United Kingdom
19-21 July – Hungary
26-28 July – Belgium
23-25 August – Netherlands
30 August – 1 September – Italy
13-15 September – Azerbaijan
20-22 September – Singapore
18-20 October – USA (Austin)
25-27 October – Mexico City
1-3 November – Brazil
21-23 November – Las Vegas
29 November – 1 December – Qatar
6-8 December – Abu Dhabi