Wimbledon mipa singles inelnaah Stefanos Tsitsipas leh Dominic Thiem ten round khatnaah inkhel hmuhnawm an khel nghal a. Tsitsipas hian hnehna changin Andy Murray nen an inkhel lehnghal dawn.
Kum 24 mi Greek star hian 3-6 7-6 (7-1) 6-2 6-7 (5-7) 7-6 (10-8) in darkar thum leh minute 56 chhung inkhelah hian hnehna a chang.
2020 US Open champion Thiem hi inhliam avangin kum 2021 atangin a inkhel tam lova, Hei vang hian rankings-ah a hniam a, round hmasa berah seeded number five Tsitsipas nen an inkhelh theih phah.
Nikum atang court-ah tha zawka kir leh tumin kawng a zawh tan a, Tsitsipas lakah hian set khatna la in ruahin inkhel a tihkhaihlak hma in hma a hruai. Inkhel chhunzawm a nih hnuah erawh Tsitsipas a che tha tha a, set hnihna leh thumna a lak hnuah set li na Thiem hian la ve lehin a tawp thlenga an inbei a hmuhnawm.
Inkhel dang
Champion lai Novak Djokovic chuan a vawi riatna atan champion tumin hmalam a pan a. Jordan Thompson 6-3 7-6 (7-4) 7-5 in a hneh.
Kum 29 mi Thompson hian ace vawi 21 lai vaw mahse Djokovic-a serve lakah point hmuh a harsat a. A khingpui service a break hleihtheih loh chu a tlawm chhan lian tak a ni.
American player seeded nihna chang ho zingah Taylor Fritz, Frances Tiafoe leh Tommy Paul ten hnehna an chang vek a, hetihlai hian Sebastian Korda a tlawm thung.
Seeded number 32 Ben Shelton pawhin Taro Daniel chu 6-4 6-3 3-6 4-6 6-3 in a hneh.