Pawikhawihna chungchang lakhawma thehdarh thintu, Peter R de Vries chu Thawhlehni tlai khan TV-ah inkawmna hun a hman zawh hnuah city center-ah na taka kah hliam a ni.
Netherlands tual chhung chanchinbute chuan kum 64 mi, de Vries hi hnai takah vawi nga an kap a, a lu-ah a fuh tel niin an sawi.
Pawikhawihnaa inhnamhnawih nia rinhlelh mi pathum chu police-in an man tawh thu an puang.
An rinhlelh pahnihte chu Leidschendam-a A4 kawnga an chuanna car-ah an man a, Amsterdam-ah mi dang pakhat an man bawk.
De Vries hi court chhung leh pawnah pawikhawihna chungchang chhui zui thintu journalist a nih vangin vauna a lo tawk tawh thin a, hei vang hian police venhimna tun hnaiah pek a ni a. Amsterdam mayor chuan thih sualin a awm mek niin a sawi.