United States President Joe Biden chuan Afghanistan-ah an thiltum an tihlawhtling tawh a, tun hi chhuahsan hun tak a nih thu a sawi.
Afghanistan ram atanga an sipai lak chhuah chungchanga ruahmanna a lo siam tawh tihnghehna atan buaina chinfel theih lo tura American-te thil tha zawk beisei vanga an nunna hlantir zel an tum lo tih a sawi a. “Afghan mipuite kutah an hun lo kal leh tur chu a innghat tawh zawk ang,” a ti.
Biden-a hian August 31 hmain an sipaite lak chhuah vek an nih tur thu a sawi a, Kabul-a US embassy venghimtu tur sipai 650 erawh an châm chhunzawm ang.
Kum 20 chuang Afghanistan-a kut an thlak lo sawisel tawh thintu, President Biden-a hian US-in a hmachhawp dik tak, al-Qaeda firfia pawlte hmeh chimih chu hun rei tak kalta khan tihhlawhtlin a ni tawh tih a sawi a, September 11, 2001 anga beihna pawh a pumpelh a nih tawh thu Ningani khan a sawi bawk.