Aizawl Mizoram Govt. Doctors’ Association (Mizoram Health Service) member ten vawiin leh naktukah-ah sorkar laka an lungawilohna lantir nan an hna- thawhna hmun țheuh ah badge dum an bel dawn tih an sawi.
Mizoram Govt. Doctors’ Association chuan sorkarin a din, Additional CS Chairman na Mizoram Health Service restructuring committee-in kum khat kaltaa a recommend tawh te tun thlenga a la hlawhtlin loh avanga lungawilo an nih thu an sawi a. He committee-in a recommend tawh te chu tihlawhtling thuai turin sorkar an ngen.
Sorkar atanga hmalakna lawmawm an hmu lo a nih chuan July ni 13-15, 2023 chhungin sorkar hnuaia thawk doctor zawng zawngin chawlh lak an tum thu an sawi bawk.