World number one Carlos Alcaraz chuan Wimbledon round of 16 lut turin hnehna a chang a. Seeded number 25 hauhtu Nicolas Jarry lakah Inrinni zanah a chak.
Kum 20 mi Spanish star hian Wimbledon a a thlen san ber tum a tluk a. Centre Court-ah set li inkhelah 6-3 6-7 (6-8) 6-3 7-5 in a chak.
Alcaraz hian kum 2021 a final khel Matteo Berrettini a hmachhawn leh dawn a. Ani hian seeded number 19 Alexander Zverev a hneh ve thung.
Inkhel dangah seeded number 5 Stefanos Tsitsipas chuan a zawna ni nga a inkhelhna ni turin Inrinni vêk hian Laslo Djere 6-4 7-6 (7-5) 6-4 in a hneh.
Hmeichhe inelna lamah champion lai Elena Rybakina a kal vung leh viau a, a champion trophy humhim turin rin a hlawh chhan a lantir.
Kum 24 mi Rybakina hian 6-1 6-1 in British number one Katie Boulter a hneh a. Chak tur hian minute 57 bak inkhelh a mamawh lo.