Manchester United goalkeeper David de Gea chuan chona thar atan hmachhawn a hun tiin club a chhuahsan thu a puang.
Kum 32 mi hian Old Trafford-ah contract a neihlai a hmang zo a. Ziah belh turin indawrna kalpui mahse club nen an inrem thei lo.
De Gea hi United-ah kum 12 chhung chamin vawi 545 a inkhel a, match 195 goal a venghim a. United tana goalkeeper inkhel hnem ber leh clean sheet nei hnem ber a ni.
Kum 2011 a Pound maktaduai 18.9 a Atletico Madrid atanga United zawmtu De Gea chuan, “Manchester United tantute hnenah inthlahna thu hi hlan ka duh.”
“Kum 12 chhung min thlawpnaah lawmthu ka sawi a, ka ngaihsan Sir Alex Ferguson-a’n min lakluh hnuah hlawhtlinna tam tak kan tawng.”
“Manchester hi ka thinlungah a awm reng tawh dawn a, ka nun siamtu a ni a, engtikahmah min kalsan ngai lovang.” tiin a sawi.
De Gea a chhuak takah chuan United no.1 ni tur inrinsiakna a lian viau a, Inter Milan goalkeeper Andre Onana chu tunkarah an lakluh fel mi tam takin an ring.