Emily Blunt chuan a fate vanga duh anga lemchan lama rilru a insawrbing theih rih lo thu a sawi a, chhungkaw enkawl chu a hna pawimawh ber a nih rih thu a sawi.
Nu dinhmun pawimawhzia leh fanau enkawl a hautak thu sawiin, chuvang chuan a fate tana nu tha ber nih ngei tuma lemchan lam pawh hawi hlei thei a nih rih lo thu a sawi a, “Engmah hi a pangngai angin a kal rih thei lo, in hrethiam ang ka ring. Kumin pawh engmah hmachhawp ka nei rih hlei thei lo a ni, min lo hrethiam hram hram teh u,” a ti.
Tun hnaia a film chan “A Quiet Place” leh “A Quiet Place Part-II” bakah “Mary Poppins Returns” bak chu movie puitlinga inlanna a nei rih lo a, nikum khan TV mini-series “The English” tih a inlanna kha a ni leh mai.
Emily Blunt hian a kawppui Krasinski nen fanu pahnih Hazel leh Violet neiin, an enkawl mek a ni.