Aizawl : Sport Minister Robert Romawia Royte-in nimin khan Lungleia sports hmasawnna hnathawh te a tlawh a. Rs. nuai 1,800 sengin Moto sports racing tract siam tum a nih thu a sawi a. C. Thuamluaia mual-ah zana inkhelh theihna turin Rs. nuai 700 sengin flood light dah tum a nih thu a sawi bawk.
Sports Minister-in a tlawh zingah Zobawka sport school sak lai, National Green Tribunal-in a chawlhlailâwk tir chu hna zaa 80 vel zawh tawh a ni a. He project hi Rs. nuai 3430.98 a zawh theih tura ruahman niin, hna tan leh hun tur erawh sawi theih a nih rih loh thu Sports Minister chuan a sawi.
Lunglawna Community service centre sak mek pawh zaa 60 vel zawh tawh niin, Ramthar venga semi indoor futsal court pawh hna zaa 80 vel zawh tawh a ni a. Rs. 319.78 sênga sak zawh tura ruahman a nih thu sorkar thuchhuahin a tarlang.
Sports Minister chuan Rahsi Venga khelmual si- am mek, Rs. nua 4919.31 senna tura ruahman te, Leitlangpui Hockey khelmual siam mek Rs. nuai 1108.7 senna tura ruahman te bakah Lunglei Electric Venga Football khel- mual siam mêk leh Zotl- ânga Integrated Sport Centre sak mêk te pawh tlawhin a enfiah bawk.
Niminpiah khan Law- ngtlai pawh tlawhin Mâmpui-a PMJVK scheme atanga Rs. nuai 5,019.43 senna tur Dist Sport Complex sak mêk te, Rs. nuai 236 senna tur Chawnhu-a Multipurpose community centre te, Rs. nuai 3461.7 senna tur College Venga, Residential Sport School te a tlawh bawk a ni.