Liverpool leh England midfielder Jordan Henderson, 33, chuan Steven Gerrard-a team thar Al-Ettifaq zawm a inngaihtuah a, club lam erawhin sawmna pangngai an la nei lo. (Telegraph)
Paris Saint-Germain chuan Tottenham leh England striker Harry Kane, 29, chu lakluh tumin theihtawp an chhuah dawn a, mahse a kal duhna ber chu Bayern Munich a la ni. (RMC Sport)
Barcelona chuan Manchester City leh Portugal midfielder Bernardo Silva, 28, chu lakluh an duh ber a ni a, an thei dawn lo anih erawh chuan Tottenham a khel kum 27 mi Argentina midfielder Giovani lo Celso lam an hawi ang. (Mundo Deportivo)
Nottingham Forest chuan hun rei tak chhung an ngaihven tawh PSV Eindhoven leh Ivory Coast midfielder Ibrahim Sangare, 25, chu lei tumin an dawr. (The Athletic)
Manchester United, Newcastle United leh Aston Villa te chuan Atletico Madrid atangin kum 23 mi Portugal forward Joao Felix chu an ngaihven vek. (ABC via Metro)
Eveton in club vawnlai nei lo French striker Moussa Dembele, 27, leh Leicester City atang kum 36 mi England striker hlui Jamie Vardy te an ngaihven. (Football Transfers)
Tottenham leh Denmark midfielder Pierre-Emile Hojbjerg, 27, chu Atletico Madrid in lakluh an tum player an ngaihven engemaw zat zingah a tel. (Marca)
RB Leipzig chuan RC Lens star Lois Openda lakluh an tumna kawngah hma an sawn a, club pahnihte hi Euro maktaduai 40 vel bawrah an inrem teuh tawh hle. (Kicker)
Chelsea in kum 24 mi English defender Trevoh Chalobah chu tun nipuiah hralh an phal. (Evening Standard)
Marseille in season liamta a Premeir League a khel kum 25 mi Brazil defender Renan Lodi chu Atletico Madrid atangin an lalut dawn. (Foot Mercato)