Aizawl: Kum 2023 atanga 2028 thlenga Mizoram Cooperative Apex Bank Ltd Board of Directors atana thlan tharte chu nimin khan a vawi khatna atan an Head Office Tuikual South Aizawl-ah an thukhawm.
Apex board of directors thutkhawm hi an chairman thar Lalnunsanga’n a kaihruai a, Apex Bank dinhmun hrang hrangte en ho a niin Bank-in hma a sawn chhoh zel theih nana hmalak dan turte an rel a. Board hnuaia Bank Committee hrang hrang member turte an rel bawk a ni.
Thutkhawmah hian NABARD, Mizoram Regional Office General Manager Prasada Rao chuan Directors thlan tharte lawmna leh fuihna thu a sawi a, Cooperative Societies Deputy Registrar K. Lalduhawma’n fuihna thu a sawi bawk a ni.