Aizawl: Lunglei District Special Court of ND&PS Act Judge F. Rohlupuia’n heroin a kawl avanga man Bawinungchung chu kum 10 chhung jail tang tur leh Rs nuai 1 chawi turin a hrem.
Excise & Narcotics deparment thuchhuah tar lan danin February 25, 2021 tlai khan Sub-Inspector of Excise & Narcotics C. Lalbiaktluanga leh hote chuan an thu dawn bawhzuiin Hnahthial district chhung, Myanmar ramri, Tiau lui bulah heroin hawng 63 leh a kawltu, Bawinungchung (26) s/o Lalremthang, Leisen, Myanmar an man a, ND&PS Act 1985 hmanga thubuai siamsak a ni.
An chungchang ngaihtuahtu, Siaha District Special Court (ND&PS Act) judge chuan thuhretu hrang hrangte thusawi leh finfiahna hrang hrangte enfiah a nih hnuah Ningani khan thuremna puangin Bawinungchung hi thiam loh a chantir a, kum 10 chhung jail tang tur leh Rs nuai 1 chawi turin a hrem.
Thiam loh chantir tak, Bawinungchung chuan India ram danpuiin a khap heroin-te hi Myanmar atanga Mizorama hralh tura a phurh a nih thu court hmaah hian a puang a ni.