Premier League kaithar Luton Town chuan Birmingham City winger Tahith Chong chu Pound maktaduai 4 in an lalut.
Kum 23 mi hian Manchester United atanga season khat loan a St. Andrew’s ah hun a hman hnuah Pound maktaduai 1.5 in nikum nipui khan a nghetin a zawm.
Tun season liamta khan Blues tan hian vawi 41 inlanin goal li a khung a. EFL Championship-ah dinhmun himah awmpui in 17-na an ni.
Hatters boss Rob Edwards chuan, “Tahith hi kei leh club lam pawhin hun rei tak chhung kan lo hmelhriat tawh a ni a. Wolves a ka awmlai tawhin Manchester United Under 23 tan a khel.”
“Khatihlai pawh khan ka mit a la tawh hle. Khang hunlai kha chuan winger ang tawpin a la khel a, nikumah chik zawka kan thlir chuan muallaiah pawh midfielder rintlak tak a ni.” tiin a sawi.
Netherlands Under-21 tana khel tawh Chong hian Manchester United atang professional football bul a tan a, an tan vawi nga chiah a inlan hman.
Luton-ah hian Republic of Ireland winger Chiedozie Ogbene, 26, leh Danish defender Mads Andersen te a zui a ni.