Border Security Force 184 battalion-ten an battalion-in kum nga a tlin champhâ lawmna hun hman pahin Inrinni khan thing tiak thahnem tak an phun.
BSF 184 battalion tan bika raising day vawi 5-na lawmna hunah hian an Commandant Ahsan Shahedi chuan, an battalion-in kum nga hmel an hmu thei chu an zavaia inpekna leh inpumkhatna rah a ni tih a sawi a, sipaite chu an engkim hlana ram leh mipuite himna tura a tawp thlenga inpe tur an ni tih inhre nawn turin a chah a ni.
BSF 184 battalion hi July 16, 2018-a Shri MA Joyee-hoa din niin ram chhung hmun hrang hrangah ramri venghimin an lo awm tawh thin a, election kaihhnawiha an duty-naah leh tui len laia chhawmdawl hna an thawh kawnga an chet that avangin chawimawina tum eng emaw zat an lo dawng tawh a. Mizoram bikah chuan November 1, 2022 khan ramri venghim turin an awm tan.
An din champha vawi ngana lawmna hun hi an commandant, Ahsan Shahedi bakah BSF 20 battalion Commandant Neeraj Sharma pawhin a hmanpui a ni.