Aizawl Municipal Corporation-in phalna la hmasa lova lei laih khapna dan a hman mek, AMC Site Development & Slope Modification Regulations, 2017 hnuaiah khapna zawm lo mi 26 hrem an ni tawh.
The Zozam Times zawhna chhanga Aizawl Mayor Lalrinenga Sailo-in a sawi danin lei laih khuahkhirhna dan hi October 29, 2021 atang khan hman tan a ni a, chuta tanga July 5 thleng khan lei laih phalna dil mi 2,887 awmah mi 2682-te chu phalna pek an ni a, dilna 75 chu hnawl a ni.
Dan hnuaia lei lai luite hi sum chawitir thin an ni a, October 29, 2021-July 5, 2023 chhunga khapna zawm lo an hrem zat chu mi 26 tling tawhin, heng mite chu dan angin Rs 5,000 theuh chawitir an ni.