- Ruata
Kia India chu an midsize SUV lar leh hralh kal Seltos chu a thar tichhuak turin an inbuatsaih chhunzawm zel a. Rs. 25,000 chawiin a book theih tawh a, tun thla tir tir khan phochhuah a ni tawh a, lei theih tura tlangzarh hun tur pawh hi a hnaih tawh viau beisei a ni.
Kia Seltos hmel thar kan hmuh turah hian tuna chhuak mek nena khaikhinin danglamna hrang hrang a awm ang a, turbo petrol khawl pawh kan hmu thar leh dawn a ni. Seltos hi tuna chhuak mek nei techuan a thar hi reiloteah an nei thei dawn a. Hei hi online-a an book-a K-code an neih hmangin a theih dawn a. Hei hian vawikhat leina tur te aiin a nghahchhung a titawi dawn a ni. He thil hi hmang tangkai duh tan chuan Kia website emaw MyKia app-ah emaw a tih theih dawn a ni.
Tunhnaiah Kia hian lirthei nuai 10 an siam tling ta tih an puang bawk a. Kum 2019 atangin lirthei an siamchhuak a. Tuna Seltos thar tur an siam mek lai hian lirthei nuai 10 (1 million) hi an siamchhuak ta a ni. Andhra Pradesh-a an lirthei siamna hmunpuiah hian lirthei nuai 7.5 chu ramchhunga hralhchhuah tura siam a ni a, a bak nuai 2.5 chu rampawna thawnchhuah tura siamchhuah a ni thung a ni.
Design leh thildang
Kia Seltos hmelthar lo chhuak tur hian a hma aiin bumper a rawn nei lian hret dawn a. Healdlamp design thar bakah a grille te nena mawi taka inzawm DRL a nei dawn bawk a. Hei bakah hian 18 inch alloy wheel thlengin duhthlan tur a awm dawn a, a hnunglamah hian inverted L-shaped tail-light thar, LED light bar hmanga mawi taka thlunzawm a nei dawn a. Sequential LED turn indicator a neih dawn bakah a tail light hi tuna chhuak meka tail-light housing awmna atangin a hnung bumper design tharah hian an sawn bawk a ni.
Kentel hrang hrang
Seltos facelift hian dual-screen set-up a nei a, instrument cluster leh infotainment atan 10.25-inch display pahnih a awm a, a infortainment screen zawk hi touchscreen a ni. Seltos tharah hian a AC vents te hi a hma aiin a te dawn a, HVAC leh audio control te pawh design thar a ni bawk a. X Line trim hian a chhung rawng atan sage green rawng thar a nei dawn a, GT Line variant ho hian interior theme thar black and white a nei thung dawn a ni.
Heng bakah hian a man to ber trim-ah hian 360-degree camera, dual-zone climate control, panoramic sunroof, 8-inch heads-up display, electronic parking brake, rain-sensing wiper leh Bose-tuned 8-speaker system te a awm a. Himna lamah chuan airbag paruk (standard angin trim/variant tinah), tire pressure monitoring system, ESC leh Hill Assist Control bakah driver te puitu khawl changkang ADAS tech, forward collision warning assist, blind spot collision warning leh lane keep assist awm chu a hmang bawk a ni.
A khawl
Kia Seltos facelift hian 115hp power leh 144Nm torque pechhuak thei, 1.5-litre petrol khawl leh 116hp power leh 250Nm torque pechhuak thei 1.5-litre turbo-diesel khawl te a hmang dawn a. A hma ang bawkin petrol khawl hian 6-speed manual leh CVT te duhthlan tur a nei ang a, diesel khawl hian 6-speed iMT leh 6-speed automatic gearbox te duhthlan tur a nei dawn bawk a ni.
A khawl lama thil thar kan hmuh tur chu 160hp power leh 253Nm torque pechhuak thei 1.5-litre turbo-petrol engine lo awm tur hi a ni a. Hei hian 1.4-litre turbo-petrol engine a thlak dawn a ni. He khawl thar Kia line-up-ah chuan Carens-a kan hmuh tawh hian transmission lamah chuan 6-speed iMT leh 7-speed dual-clutch automatic gearbox te a nei dawn a ni.
Kia Seltos elpui tur leh elpui mek te
Kia Seltos elpui tur leh elpui mek ni a lang te chu Hyundai Creta, Maruti Suzuki Grand Vitara, Toyota Urban Cruiser Hyryder, MG Astor, Volkswagen Taigun, Skoda Kushaq leh tlangzarh mai tawh tur lirthei pahnih Honda Elevate leh Citroen C3 Aircross te a ni dawn a ni.