Court of special judge (Prevention of Corruption Act) chuan sorkar sum Rs. nuai 8 chuang eiruk thubuaiah telecom department-a officer hlui thiam loh a chantir.
Aizawl District Court-a Special Judge (PC Act) Dr HTC Lalrinchhana chuan nimin khan court thuremna puangin, heta a tar lan dan chuan kum 1995-97 chhung khan telecom department-a officer pathum – Swapan Kumar Bose, Krishna Brata Som leh Subhrendu Deb Roy te hian K. Sena (L) thurualpuiin Aizawl khawpui chhunga telephone hrui thlunna turah dan ang ni loa felhlel taka hna an thawhnaah sorkar sum Rs 8,56,112 zet hloh a awm nia chhut a ni.
He thubuai hi CBI-in chhuiin anniho hian dan bawhchhe tura inthurual tlangin quatation lehkha lem hmangin pawisa an tichingpen ngei tih finfiah a ni a, sum tichingpena puh zinga mi pathum chu an boral tawh a, la dam awm chhun, Subhrendu Deb Roy chu thiam loh chantir a ni.
Special Judge (PC Act) chuan eiruk thubuaia thiam loh a chantir, Subhrendu Deb Roy chu jail-a dah turin thutlukna a siam a, vawiinah hrem a nih dan tur a puang ang.