Aizawl : Inrinni khan Mizoram hmun hrang hranga damdawi in hrang hrang ten a tula an hman turin pawl parukin thisen unit 179 an pe.
Salvation Army Youth, Central South Division-in ZMC, Falkawnin a tula an hman atan unit 47 an pe a, thisen petu mipa 34 leh hmeichhia 13 an ni.
KTP, Ramhlun East branch, Aizawl pawhin Synod Hospital, Durtlangin a tula an hman turin unit petu mipa 36 leh hmeichhia 5 an ni.
Adventist Youth Federation, Lunglei North-in Civil Hospital, Lungleiin a tula a hman turin unit an 24 pe a, thisen petu mipa 22 leh hmeichhia 2 an ni.
YMA Hostel, Lunglei Bazar Veng pawhin unit 12 pein, thisen petute mipa vek an ni.
LIKBK thalai pawl, Lawngtlai Vengpui leh Bazar Veng bial te pawhin Lawngtlai District Hospital-in a tula an hman turin unit 35 an pe a, thisen petu mipa vek bawk an ni.
Pentecostal Youth Department (Mizoram), Serchhip bial pawhin Serchhip District Hospital-in a tula a hman turin unit 20 an pe a, thisen petu mipa 16 leh hmeichhia 5 an ni.