Saptawng a thiam ber vang maia rapper hna a chelh chu a chauhthlak hle niin, Jennie-i’n a sawi.
BLACKPINK member hian tunhmaa a sawi ngai loh sawichhuakin, K-pop band-a rapper nghet bur anga a awm ringawt mai chu a haw hle a, pangngai taka hlasak a duh thinzia a sawi bawk.
Dua Lipa nen an inkawmnaah, “Hemi chungchang hi hmun dangah ka sawi ngai lova, tunah ka sawi mai ang. Debut album kan tihchhuah khan hla paruk kan dah a, rap ka sa deuh chawt mai a, ka chanvo leh tihtura dah tawp a ni. Ka buairu angreng hle a, a chhan chu rap ni lo, hla pangngai taka sak duhna leh chakna hi chhungrilah a awm reng thin vang a ni.
“Mahse, chuti ang dinhmun chu pek ka ni lova, tun thleng hian ka chang bawk hek lo. Han chham zuah zuah nin chang leh huat ngawih ngawih chang ka ngah a, ‘Hei hi ka tih tur a ni lova, ka lo tum leh suangtuah dan a ni hek lo. Rapper ka ni reng reng lo’ tih rilru hi thinlungah a cham reng a, ka chau tawngkhawng a ni deuh ber,” a ti.