Ama version-a siam, ‘Speak Now’ a tihchhuah meuh chuan Taylor Swift hi hmeichhe artist zinga Billboard Top 10-a a ruala top chart nei thei hmasa ber ni turin history ropui a siam.
Hei hi August 1963 hnu lama Billboard-ini mono leh stereo album charts a khairual hnu lam atanga hmeichhe artist thlen san ber leh chet ropui berna a tih theih.
Top 10-a Swift aia top chart album nei tam chu Prince a ni a, May 2016 kuma a thih khan top 10-a album panga a neih belh leh. Swift hi 1966 kuma Herb Alpbert-a’n top 10-a album pali ngawt a vawrhchhuah theih hnu lama artist lang leh thei hmasa ber a ni bawk.
Hei bakah hian Top 10-a a ruala album chart nei ngah ber ni turin ‘Speak Now’ (Taylor’s Version) hi Number 1 album ni thei vawi 12-na chiah a lo ni lehzel bawk a, hei vang hian hmeichhe artist zinga No.1 album nei ngah ber nihna a hauh zui bawk. Record awm mek Barbara Streisand-i’n number one album 11 ngawt a lo neih tawh record a thaichhe nghal.
Tun dinhmunah Swift hi Drake nen No.1 album ngah ber record an siam dun mek a, The Beatles (19) leh Jay-Z (14) chiah an pha rih lo.
Speak Now (Taylor’s Version) hi ama puala a record thatleh album dang ‘Fearless’ (2021) leh ‘Red’ te chhutzuina a ni.