Kumin MLA inthlanpui lo awm tur atana Zoram People’s Movement (ZPM) candidate tur hmingte chu nimin khan social media lamah a darh a. Mahse, hei hi ZPM official candidate nia ngaih a ni.
Thawhlehnia ZPM Nomination Committee thukhawmin, kumin tawp lama MLA inthlanpui – General Election 2023 lo awm tur atana official candidate tur a ruatte hmingte chu social media a darh nasa hle a. Sawi zui leh ngaihven pawh a hlawh hle.
The Zozam Times-in a biaknaah ZPM Leader Lalduhoma chuan hemi chungchangah, “Official chu a ni. Kan publicity kaltlanga tihchhuah tura tih a nih mek laiin, a lo darh hman ta si a. Mahse, candidate turte hming langte kha chu official a ni e,” a ti.
Lalduhoma chuan, “Official taka puanzarna inkhawm hi tun maiah chuan buatsaih tum a ni lem lo a. Ti hian keini chu kan puang fel der chu a ni mai. Inthlan hun puan hnuah emaw, Val Upa Council (VUC) ruahmannain emaw official candidate-te chu thu tiamtira inkhawm buatsaih a ni mai thei,” a ti bawk.
ZPM-in kumin MLA inthlanpui lo awm tura candidate turte an tihchhuah atanga a lan danin, Tuichawng bial tih loh constituency 39-ah candidate an indah khat vek a. Tuichawng bial bik erawh hi chu candidate an puan hun tur a la sawi theih mai loh thu Lalduhoma’n The Zozam Times zawhna a chhang.
Hetih lai hian, ZPM Treasurer C. Laltanpuia hming erawh a lang ve lo thung.
ZPM-in candidate a puan takah hian an MLA ni lai mi paruk – Aizawl North I bialtu MLA Vanlalhlana, Aizawl North II bialtu MLA Vanlalthlana, Aizawl West III bialtu MLA VL Zaithanzama, Aizawl South I bialtu C. Lalsawivunga, Aizawl South II Lalchhuanthanga leh Serchhip bialtu MLA Lalduhoma te an bial ngaiah an ding leh vek dawn.
ZPM hian hmeichhe candidate pahnih – Aizawl South III bialah Baryl Vanneihsangi Tlau leh Lunglei East-ah Lalrinpuii an nei dawn bawk.
Candidate list te chu :
Hachhek : KJ Lalbiakngheta, Zawlnuam, Mamit District
Dampa : Vanlalsailova, West Phaileng, Mamit District
Mamit : H.Zorempuia, Sihphir Venghlun, Mamit District
Tuirial : Laltlanmawia, Kolasib Hmar Veng, Kolasib District
Kolasib : Lalfamkima, Kolasib, Kolasib District
Serlui : Jimmy Laltlanmawia, Bethlehem Vengthlang Aizawl, Aizawl Dist.
Tuivawl : JMS Dawngliana, Darlawn Aizawl District
Chalfilh : Lalbiakzama, Chanmari West Aizawl, Aizawl District
Tawi : Prof Lalnilawma, Vaivakawn Aizawl, Aizawl District
Aizawl North – I : Vanlalhlana, Venghlui Aizawl, Aizawl District
Aizawl North – II : Dr. Vanlalthlana, Ramhlun North Aizawl, Aizawl District
Aizawl North – III : K.Sapdang, Aizawl Venglai, Aizawl District
Aizawl East – I : Lalthansanga (Chatea), Zarkawt Aizawl, Aizawl District
Aizawl East – II : B. Lalchhanzova, Dawrpui Jail Veng, Aizawl, Aizawl District
Aizawl West – I : TBC Lalvenchhunga, Champhai Vengthlang, Champhai District
Aizawl West – II : Lalnghinglova Hmar, Aizawl Venglai, Aizawl District
Aizawl West – III : VL Zaithanzama, Khatla Aizawl, Aizawl District
Aizawl South – I : C. Lalsawivunga, Bethlehem Vengthlang Aizawl, Aizawl District
Aizawl South – II : Lalchhuanthanga, Tlangnuam Aizawl, Aizawl District
Aizawl South – III : Baryl Vanneihsangi Tlau, Model Veng Aizawl, Aizawl District
Lengteng : F. Rodingliana, Dawrpui Aizawl, Aizawl District
Tuichang : W. Chhuanawma, Vaivakawn Aizawl, Aizawl District.
Champhai North : Dr. B. Lalramzauva, Zarkawt Aizawl, Aizawl District.
Champhai South : Lt.Col. Clement Lalhmingthanga, Electric Veng Aizawl, Aizawl Dist.
East Tuipui : Dr. C. Lalrammawia, Ramhlun North Aizawl, Aizawl District
Serchhip : Lalduhoma, Chawlhhmun Aizawl, Aizawl District
Tuikum : PC Vanlalruata, Ramthar Veng Aizawl, Aizawl District.
Hrangturzo : Lalmuanpuia Punte, Upper Kanan Aizawl, Aizawl District
South Tuipui : Jeje Lalpekhlua Fanai, Model Veng Hnahthial, Hnahthial District
Lunglei North : V. Malsawmtluanga, Serkawn Lunglei, Lunglei District
Lunglei East : Lalrinpuii, Lunglei, Lunglei District
Lunglei West : T. Lalhlimpuia, Lunglei Venglai, Lunglei District
Lunglei South : Lalramliana (Papuia), Salem Veng Lunglei, Lunglei District
Thorang : C. Lalnunnema, Mission Vengthlang Aizawl, Aizawl District
West Tuipui : Kawlhnuna IFS (Rtd), College Veng Aizawl, Aizawl District
Lawngtlai West : Lalnunsema, Lawngtlai Electric Veng, Lawngtlai District
Lawngtlai East : Dr. Lorrain Lalpekliana Chinzah, Lawngtlai Chanmari, Lawngtlai Dist.
Saiha : KH Beithie, College Vaih – I, Siaha District
Palak : K. Robinson, Amobyu Siaha, Siaha District