Aizawl : Saitual District A.H& Veterinary Office chu A.H & Veterinary Minister Er. Lalrinawma’n nimin han a hawng.
AH&Vety Minister chuan sorkarin theihpatawpa District te tihchangtlun a ngaihpawimawh thu sawiin, Saitual district-ah pawh hmasawnna chi hrang hrang hmuh theiha a awm chu lawmawm a tih thu a sawi a. District office te pawh hawn belh zel a nih a beisei thu a sawi.
Ran pawimawh zia sawiin, AH & Vety Minister chuan ran te chu mihringte chenpui atana Pathianin a duan lawk an nih thu a sawi a. Ranvulh chu Mizoram chakna lakchhuah nana thahrui pawimawh tak a nih thu sawiin, ran chaw pawh man tlawm leh tha ranvulhtu ten an neih theihna tura hmalakna pakhat atan Lengpuiah ran chaw siamna hmun siamna tur lungphum phum a nih tawh thu a sawi.
AH & Vety Minister chuan District Vety Office chu mipui ten chhawr tangkai an thiam a tul thu sawiin, Saitual mipui te tan chhenfakawm tak a nih chhoh zel a beisei thu a sawi bawk.