Paris Saint-Germain chuan tun nipuiah Tottenham striker Harry Kane lakluh tumin Bayern Munich elpui an inpeih a, lakluh an inchuh dawn.
Tun thla tir lam khan Kane hian Bundesliga champion lai zawm hi a duh a, Spurs a contract a neihlai ziah belh a tum tawh lo niin thu a darh nasa.
Spurs hian tunhnaiah contract lian zawk an zawrh dawn niin thawm awm mahse a hmalam hun a chiang lova, nakkumah a contract hi a zo dawn.
England captain hi PSG hian an ngaihven mek a, a unaupa, a agent ni bawk leh Paris club-te hi tunhnaiah an inbia.
PSG hian striker thar lakluh an duh a, Napoli striker Victor Osimhen leh Eintracht Frankfurt striker Randal Kolo Muani te nen sawizawm an ni bawk.
PSG hian Kane-a kal duhna hi Bayern Munich nimahsela German club leh Spurs te an inrem theih loh chuan sum tam zawk nena club leh amah dawr an inhuam.
French champion hian striker lakluh nan Euro maktaduai 100 vel hman an inhuam a, an star player Kylian Mbappe chu tun nipuiah an hralh a nih chuan hei aia tam hi sum sen an la inhuam tel bawk niin an sawi.