Spanish champion FC Barcelona in an midfielder thar Ilkay Gundogan chu an pholang a. Manchester City atanga an lakluh hnuah hlawhtlin duhna sang tak a la neih thu a sawi.
Kum 32 mi hi tawh German midfielder hi tun season liamta khan Manchester City captain niin ‘treble champion’ an ni a. Match 51 khelin goal 11 a khung.
City-ah contract a hman zawh hnuah Barcelona-ah kum hnih contract ziakin Spain a pan a ni.
“Kum lamah upat lam pan ve tawh mah ila ka tan chona thar a ni a, hmachhawn turin ka inpeih. Hlawhtlin duhna lian tak ka la nei a, hemi kawngah hian hmabak ka la ngah.” tiin a sawi.
Gundogan hi kum 2008 atanga 2012 chhunga Pep Guardiola hnuaia player pawimawh Xavi Hernandez hnuaiah a inkhel tawh dawn a, “City a kan inkhelh dan nen an inkhel hi a danglam tehchiam lo. Guardiola leh Xavi pawh an danglam thui lo. Kan inbiak hmasak ber atangin kan inhrethiam em em a, club ang pawhin kawng dik an zawh mek a ni tih ka hre thei.” tiin a sawi belh.
Man City a a awm chhunga Under-16 team coaching pe tawh thin Gundogan hian barcelona midfielder beiseiawm Pedri leh Gavi te chu hma an sawn zelna tura kaihruaitu nih a tum thu a sawi bawk.