Mixed martial arts chauh ni lo, khawvel combat sport a fighter ngaihven hlawh ber zing ami Michael “Venom” Page chuan contract hmang zovin ‘free agent’ a ni a. Company zawmlai a nei lo tih a puang.
Mixed martial arts company lian Bellator MMA tana kum10 chuang a inel hnuah MVP hian contract a hmang zo tih a sawi a. Tunah hian UFC, Bellator MMA leh PFL te leh a management team te an indawr tih a sawi.
“Mite hian MVP hi eng ang takin nge an ngaihhlut tih enna tha tak a ni a. Cage chhunga ka theihna bakah arena a ka inlanin eng nge nghawng ka neih tih hriatna tha a ni.” tiin a sawi.
Kum 36 mi MVP hian MMA record 21-2 a nei a. A che vel a hmuhnawm avangin MMA chawimawina dawng nual tawh niin professional boxing, kickboxing leh bare knuckle boxing-ah te pawh a inel thin a. World Combat Games silver medalist niin 2009 WKA World Championships-ah gold medal a la tawh bawk.