Stage-ah fan te hnen atanga beisei loh thil a thlen hian zaithiam tam tak an chi-ai a, hlauthawn takin an awm thin. Mahse, Bryan Adams erawh a nui saih ringawt.
Salt Lake City, Utah-ah concert-ah 1984 kuma hla hit, ‘Summer of 69’ a sak laiin, fan pakhat chu stage-ah zuangchho in, mic a chhuhsak thuai a, a zai zui nghal.
Canadian superstar hi a tawlh hnung vat a, hlauthawng hmel emaw thlaphan hmel pu lovin, ‘‘Bought it at the five and dime / played until,’ tih lai chu fan hian a rawn sa a, security te’n rang takin an lasawn nghal.
Adams hian fan hla sak chu chhunzawm nghat chatin, a tawp thleng phur takin a sachhuak a, ‘cool’ taka a chet dan chu mipuiin an lawm hle.
He thil thleng hi Admas hian instagram-ah dahchhuakin, “A chang chuan han nuih tawp te hi a tul,” a ti.