Aizawl : Aizawl West II bialtu MLA, Minister ni bawk Lalruatkima’n nimin khan a a bial chhung veng hrang hrang – Kanan Veng, Vaivakawn, Dawrpui Vengthar, Dinthar Veng, Tuikual North leh Tuikual So- uth-a High-mast dahna tur a en kual. Heng veng hrang hrangahte hian khawtlang hruaituten lo dawngsawngin high-mast phunna tur hi an enho a ni.
Lalruatkima chuan Aizawl Smart City Ltd kaltlanga ni zung chakna hmang solar mini high-mast chu veng chhung himna kawngah leh vengchhung mawina kawngah pawh tangkai tak tur a ni, a ti a. High-mast chu a tul dana zirin pakhat aia tam pawh dah theih tura hmalak a ni, a ti bawk.
Aizawl Smart City hnuaia high-mast dan tur hi feet 30 vela sang tur a ni a, ban pakhatah hian solar plate 4 leh electric light 80w 4 theuh a awm dawn a ni.
Lalruatkima hian HSLC 2023 a pakuana dinhmun hauhtu Esther Zorinhluzuali, Tuikual North chu tlawh nghalin, lawmpuina thilpek atan laptop a pe nghal bawk.