Democratic Republic of Congo rama Italy ram palai leh amah vengtu bakah World Food Programme-a thawk lirthei khalhtu chu lambun an nihnaah thah an ni.
DRC khawchhak lama ram bial pakhat khawpui, Goma atanga hmar lam km 25 vela hla, Kanyamahoro khaw bulah an chuanna lirthei hi lambun a ni.
Italian sorkar pawhin Ambassador Luca Attanasio, Italian military police Vittorio Iacovacci leh Congolese driver thih thu hi an sawi tawh a, lirthei khalhtu bik hi a hming an sawi lo.
Lirthei khalhtu hi UN hnuaia World Food Programme-a thawk a ni a. An chuanna chuang ve mi dangte pawhin hliam an tuar nual bawk tih an sawi.
Congo thenawm, Rwanda leh Uganda a rina lai, Virunga bial chhung leh a chhehvelah hel pawl chi an che nasa hle.
Congolese Foreign Minister Marie Ntumba Nzeza chuan Italian sorkar hnenah a theih ang angin a titute zawn chhuaha hremna turin hma a lak tur thu a tiam.