Aizawl : Khawhri lal, Zakapa Award Organising Committee chu nimin khan Social Welfare & Tribal Affairs Minister Er. Lalrinawma hovin an thukhawm a, Zakapa Award dawngtu tan Rs. nuai 1 leh thuziak ruahman ni se, an ti.
Zakapa Award dawngtu tur chu Mizorama cheng ngei, mipa emaw hmeichhia, mimal emaw pawl emaw pawh ni se la damlai ngei ni se, an ti a. He award hi kumin September thla chhunga sem hman ngei tura inbuatsaih ni se, tiin, seminar neih leh zirlaite nena hun hman chungchang te, District tin Bawrhsap leh NGO-te nena thawhho dan tur te an sawiho bawk.
Thutkhawm kaihhruaitu Social Welfare & Tribal Affairs Minister chuan “hmeichhiate thlavang hauha theihtawp chhuahtu Khawhri lal Zakapa hian chawimawi a phu a, a phu tawk chawimawina a dawnglo kha a pawi hle” a ti a. Amah hriatrengna leh chawimawina a hminga Award siam a ni tur chu lawmawm a tih thu sawiin, “hei hian hmeichhiate chawikan leh an thlavang hauhna kawngah thui tak kori a tu ngei ang tih ka beisei a ni” a ti.