Chief Minister Zoramthanga kaihhruaiin a pisaah Kaladan Multi Modal Transit Transports Project kawngpui zangnadawmna chungchang relin an thukhawm.
Thutkhawmah hian he international highway pawimawh tak, India Act East hmalakna hnuaia thawh hi hawn a nih thuai theih nan zangnadawmna dawngtu tur dik takte hnena zangnadawmna pe chhuak thuai tura Ministry of Road Transport & Highway-a Chief Minister hminga DO lehkha ziah ni se an ti a. Ministry in hriat belh duh a neih apiangte pawh a ranglama hrilhhriat zel ni se an ti.
Kaladan Multi Modal Transit Transport Project kawngpui laih vanga zangnadawmna dawng thei tur finfiah hi chhungkaw 138 an awm mek a ni.
Thutkhawmah hian C. Lalramzauva, Senior Advocate, Adviser to Chief Minister; Navin Kumar Choudhary, Principal Secretary bakah Environment, Forest & Climate Change Department, GoM official pawimawh te an tel a ni.