Bayern Munich forward Sadio Mane chuan Saudi Arabia Pro League club Al-Nassr atangin sawmna a dawn chu a pawm ang em tih a inngaihtuah mek.
Kum 31 mi Mane hi Bundesliga champion Bayern-ah hian a tla tlum lova, nikum nipuiah Liverpool atangin Pound maktaduai 35 in zawm chauh mahse an hnenah season tha a hmang lo.
Manager Thomas Tuchel-a beisei anga a chet loh avangin Senegal international hi Bayern in hralh mai an phal a. Mane leh Al-Nassr te hian inbiakna nei ngei mahse inremna engmah an la nei lo.
Mane hian Saudi lam hi a pan a nih chuan Manchester United forward hlui Cristiano Ronaldo leh a teammate thin Alex Telles leh Croatia international Marcelo Brozovic te a khelhpui dawn a ni.
Mane hian Anfield-ah hlawhtling taka hun a hman hnu in nikum khan chona thar hmachhawn a hun nia sawiin Germany lam a pan.
Nimahsela Munich-ah hian a beisei angin hun a hmang lova, April thla khan UEFA Champions League a an tlawm hnuah a teammate Leroy Sane a hnek niin thu a darh a, pawisa chawitir a nih bakah squad-ah telh loh niin an hrem.
Bayern tan hian match 38 khelin goal 12 a khung.