Real Madrid in pre-season inbuatsaihna neiin America-ah tour an nei mek a. AC Milan nen Pathianni zanlai pelhah khan inkhelin 3-2 in hnehna an chang.
Los Angeles a Rose Bowl a inkhelah hian Milan in goal khung hmasa zawkin halftime hma in goal hnihin hma an hruai.
English defender Fikayo Tomori chuan an goal hmahruai tauh lutin halftime dawnah Luka Romero chuan an goal hnihna a khung.
Second half-ah Real Madrid in chhangletin minute 57-na leh 59-naah Federico Valverde chuan goal a khung a. Huntawp dawnah Vinicius Junior chuan chakna goal a khung.
Madrid head coach Carlo Ancelotti chuan tun nipui a lakluh Jude Bellingham chu inkhel bul a tan tir a, minute 62 a inkhelh chhungin Blancos in manto taka an lak ngamna chhan a lantir.
Ani bakah striker Joselu leh Brahim Diaz te pawhin bul tanin second half-ah Fran Garcia chu khelh tir a ni bawk.
Ancelotti chuan Bellingham chu fakin, “A theihna ang nei player hmuh fuh hi thil awlsam a ni lo. Kum 20 chauh a la ni a, chuvangin hma a la sawn thei chiang. Kan squad-ah ani ang kan nei hi kan vannei hle.”
“A che a rang a, inkhel kaldan a man zung zung a, awmna tur a hre thei em em bawk.” tiin a fak.