Aizawl: Aizawl District Legal Services Authority chuan nimin khan Mizoram Victims of Crime Compensation Scheme, 2016 Amendment Act hnuaia kutpalh tawrh avanga tualthihna thleng leh ramtuileilova awm bakah, kumtlinglo pawngsualna tawk zangnadawmna hmu thei tur leh an chanchinte zirchianna hun an hmang.
He hun hi Aizawl District Legal Services Authority Chairman leh District & Sessions Judge Vanlalenmawia’n a kaihruai a, District Legal Services Authority Secretary Lalrochami Ralte chuan case ngaihtuah tur hrang hrangte a sawifiah bawk.
He hunah hian Isaac C. Lalrempuia, Additional Deputy Commissioner, Aizawl, Rex Zarzoliana, Superintendent of Police, Aizawl, Lalrammuana, Member, Central Executive Committee, Central Young Mizo Association leh Ngurmawii Sailo, President, Mizo Hmeichhe Insuihkhawm Pawl an tel a ni.
Case ngaihtuah 49 zinga case 44 hi pawngsual leh POCSO Act hnuaia mi niin tualthah case pathum a awm bakah mi kutpalh tawrh avanga ram tui lei lova awm case hnih an ni.