Aizawl : Champhai Bawrhsap James Lalrinchhana’n Champhai District Jail tlawhin, Silpaulin, volleyball leh net bakah Independence Day an lawmna atan Rs. Rs. 12,000 a hlan.
Bawrhsap chuan District Jail-a thawk te leh jail tang te pawh a kawm a. Disitrict jail dinhmun tlangpui te leh an mamawh te zirchiang tura tlawh a nih thu a sawi.
Jail tangte chu an nun siamthatna hmun atana Jail chu hman tum tur leh an chhuah hunah pawh khua leh tui tha, ram leh khawtlang tana mi tangkai ni tura inpuahchah tura chahin, an taksa leh rilru hriselna ngaipawimawh theuh turin Bawrhsap chuan a chah a. Jail an awm chhunga an hun awl tha taka an hman theihna tur leh thiamthil hrang hrang zirna (skill development) ruahmante a ngaihpawimawh thu sawiin, an mamawh hrang hrangte inthlah- rung lova a hnena thlen thin turin a chah.
Champhai District Jail-a thawktute leh jail tangte chuan an mamawh hrang hrang te Bawrhsap hnenah hian an lo thlen a. Bawrh- sap pawhin tihhlawh- tlinsak ngei a tum thu sawiin, mamawh an lo thlen zing ami Jail tualzawl siamthat hna chu thawh thuai a nih tur thu a sawi bawk.
Champhai District Jail hi Sirte Tlang-ah awmin, 29/11/1990 ah hawn a ni a. Mipa 85 leh hmeichhia 20 an vaiin mi 105 an leng a. Mipa 175 leh hmeichhia 14; an vaiin mi 189 awm mekin District Jail hi a chep hle tih thawktu te chuan an sawi a. Thawktu mi 32 an awm mek niin an sawi.
Jail tang zingah ruihhlo avanga man (N- D&PS Act) tam berin, mipa 111 leh hmeichhia 13 an awm a. Mipa 4 tualthah thubuai ava- nga tang awmin, mipa 28 te Rape/POCSO Case a man an ni a, mipa 24 chu rukruk thubuai avanga tang an ni thung.