Aizawl : Bible’s for The World leh Hmar Students’ Association (HSA) tangkawpin Manipur raltlan te tan Central YMA hnena nimin khan bible leh sum fai an hlan.
Bible’s for The World leh HSA hian raltlante tan Thadou-Kuki-English Parallel New Testament leh Paite-English Parallel New Testaments, a vaiin bu 2116 an hlan a. He’ng te hi Rs 9,05,200 man hu a nih bakah, Rs 1,00,000 chu raltlante tanpuina’na hman turin a sumfai in an hlan.
Tuikhuahtlanga Central YMA pisa-a tanpuina tur hlanna inkhawmah Rev. John L. Pudaite, President, Bible’s for The World chuan CYMA hmalakna hrang hrangah lawmthu sawiin, Zo hnahthlak unau, an chipuite tana theihtawp chhuah zel turin a sawm bawk.
He huna CYMA lam atangin President R. Lalngheta leh Jerry H Pulamte, President, HSA Joint Headquarters Aizawl te pawhin thu an sawi a ni.