Aizawl South II bialtu MLA Lal- chhuanthanga’n “ZPM a sorkar chuan kalphung tharin a kal dawn a, a takin corruption kan do dawn” a ti.
Salem Veng Local Council by-election atana campaign khuhhawnnaah he thu hi Zirtawpni kalta zan khan Lalchhuanthanga chuan a sawi a. “ZPM kan sorkar a nih chuan kan sorkar tuk aṭanga kan hna hmasa ber chu corruption do a ni dawn a, MLA leh minister an corrupt ve thiang lo ang” a ti a. “Corruption kan do tlat chuan kan hna chanve zo tluk kan ni ang,” a ti.
Kumina MLA inthlan lo awm tur chung- chang sawiin, Lalchhuanthanga chuan “MNF nen kan final dâwn” a ti a. “Congress hian ruling lai bei lovin ZPM hlir min bei a, tuna sorkar corruption nasa tak sawi duh lovin ZPM min bei char char” tiin, “Kan leader, kan Chief Ministerial Candidate nasa takin an bei a, an beih chhan chu Congress hian MNF hi chak tir an duh a, MNF an chak chuan 2028-ah Congress tan chance a awm ve thei ang tih an beisei vang a ni,” a ti bawk.
Campaign khuhhawngtu, kumina MLA inthlan lo awm tura Aizawl West II biala ZPM candidate tur Lalnghinglova Hm- ar pawhin kalkhawmte chu danglam ngam tur leh a taka ram vei turin a a chah a. “ZPM Salem Veng te hi kan taima bik tur a ni, midang aiin kan bei nasa tur a ni. Sorkarna lo siam tawh te tih dan anga kan kala, kan danglam loh chuan ZPM nih hi a tulna a awm lovang” a ti.
AMC Corporator M- alsawmzuala pawhin “L- ocal Council inthlan tura pawimawh chu taimakna leh thawhrimna a ni” a ti a. “Hlawhchham thiang kan ni lo tih hi hawnpui theuh ang u,” a ti bawk.